Við bjóðum ykkur velkomin í Fjögurra skóga hlaupið sem fram fer í Fnjóskadal. Það er hlaupið er eftir skógivöxnum hlíðum dalsins , eftir göngustígum, troðningum og malarvegum, yfir mela og lyngmóa, eftir bökkum Fnjóskár sem liðast silfurtær eftir dalnum endilöngum. Hér í sólkistu norðlenskra dala ilma skógarnir og fuglarnir syngja.
Það er von okkar hjá bsv. Þingey að sem flestir geti fundið leið við sitt hæfi og njóti þess að taka þátt í hlaupinu.
By okkah
Fjögurra skógahlaupið fer fram í suðurhluta Fnjóskadals 28. júlí 2012. Hægt verður að velja um fjórar vegalengdir 4.3 km. 10.3 km. 17.7 km. og 30.6 km. Öll hlaupin enda á sama stað, á íþróttavelli umf. Bjarma sem staðsettur er við þjóðveg 1. austan brúarinnar yfir Fnjóská. Keppendur mæta á Bjarmavöllinn þar sem boðið verður uppá akstur á upphafsstaði. Ræst verður í hlaupin á mismunandi tíma, lengstu vegalengdina fyrst. Allar vegalengdirnar sameinast við gróðrarstöðina í Vaglaskógi síðustu 4.3 km.
Þeir skógar sem hlaupið er eftir eru: Vaglaskógur , Lundsskógur, Þórðarstaðaskógur og Reykjaskógur.
Skráning í hlaupið fer fram á hlaup.is og lýkur föstudagskvöldið 27. júlí. Fyrir þá sem vilja greiða beint hafið samband við Ósk í síma 8626073 eða okkah@hotmail.com.
4.3 km. -1.500 kr. - skemmtiskokk- þessi leið er líka hugsuð sem gönguleið, engin tímataka og frítt fyrir 14 ára og yngri. Ræst frá gróðrarstöðinni í Vaglaskógi og þaðan haldið norður í gegnum skóginn yfir Hálsmela. Hægt að skrá sig á staðnum.
10.3 km .- 2.900 kr.- Ræst frá gömlu bogabrúnni. Hlaupið suður Vaglaskóg. Sunnan við verslunina er hlaupið eftir bökkum Fnjóskár og meðfram ánni til suðurs. Við bæinn Mörk sameinast hlaupaleiðir og þá er haldið til norðurs í gegnum Vaglaskóg.
17.7 km.- 3.900 kr. Ræst frá Fnjóskárbrú við Illugastaði. Hlaupið sem leið liggur gegnum Þórðarstaðaskóg, Lundsskóg og Vaglaskóg.
30.6 km. -4900 kr. Ræst sunnan Reykjaskógar. Hlaupið norður í gegnum Reykjaskóg að Illugastöðum, þaðan austur yfir brú og áfram í norður gegnum Þórðarstaðaskóg, Lundsskóg og Vaglaskóg.
Innifalið í skráningargjaldinu er :, þátttökupeningur, verðlaun fyrir fyrstu sætin, flutningur keppanda á upphafsstaði, drykkir á stöðvum, tímataka-númer, brautarmerking, öryggisgæsla á leiðinni.Boðið verður upp á drykki á leiðarenda, auk þess sem við bjóðum öllum keppendum í kakó og kleinur að hlaupi loknu að íslenskum sveitasið.
Gæsla verður við hlaupið og munu félagar úr bsv. Þingey fylgja keppendum eftir.
Linkur á hlaupið: http//thinghlaup.wordpress.com
Ágóði af hlaupinu ef einhver verður mun renna til bsv. Þingeyjar til kaupa á búnaði til sveitarinnar.
Við viljum benda fólki á að hægt er að kaupa tjaldstæði á Bjarmavelli. Þar er öll aðstaða mjög góð. Upplýsingar gefur Sigrún í síma 8991010.
.jpg){kind=small}
.jpg){kind=small}
.jpg){kind=small}
